venres, 29 de xuño de 2018

Aquí tedes algunhas recomendacións lectoras para o verán.

Felices vacacións!!



mércores, 23 de maio de 2018

"O Principiño", 75 aniversario

Para conmemorar o 75 aniversario da publicación da novela de Antoine de Saint-Exupéry "O Principiño", teremos en BiblioChans unha exposición que poderedes visitar ata final de curso. Contamos cunha chea de exemplares en distintas linguas e con edicións especiais e adaptadas aos máis pequenos. Os libros foron emprestados por varias mestras e alumnos e alumnas da escola, e os materiais expostos foron elaborados polos nenos e nenas de 5 anos, os de 2ºA e o alumnado colaborador da biblioteca.



Tamén podes acceder a contidos online premendo nos seguintes enlaces.

xoves, 26 de abril de 2018

Búscanse compositores/as. Valor: Incalculabe

Os nenos e nenas de 6º de Primaria da escola de Chans convertíronse en 'cazarecompensas' para ir na procura duns personaxes desaparecidos hai tempo. O seu valor? Incalculable.
Para ver o resultado das súas pesquisas, premede na imaxe e consultade a web que elaboraron entre todos/as.

Idea orixinal de Mª Jesús Camino Rentería

Érase unha vez... contos que soan ben!

Durante toda a semana, e continuando coa celebración do día do libro, os nenos e nenas da escola deixaron no libro xigante da entrada un post-it co título do seu libro favorito da nosa biblioteca. Aproveitade para coñecer novas lecturas e ver os contos que lles interesan aos vosos compañeiros e compañeiras!

Felices lecturas!



luns, 23 de abril de 2018

23 de abril, Día do Libro

Hoxe, na hora de ler, celebramos o día do libro dun xeito moi especial. Os maiores da escola apadriñaron aos pequenos e agasalláronos coa lectura dun conto escollido por eles mesmos. O bo tempo permitiu que padriños e apadriñados compartisen as súas lecturas nos xardíns da escola. Foi un momento máxico que esperamos repetir máis a miúdo.


mércores, 11 de abril de 2018

Ao son de Chans

Que  soa en Chans?

Trala chegada dunha carta do Trasno Contacontos e un disco de vinilo, os nenas e nenas de Chans puxéronse a investigar para descubrir a canción que contiña o disco. Unha vez o averiguaron, decoraron a carátula e pegatina central e comezaron a traballar sobre ela. Que cousas nos contarán no seu panel do Museo de Chans?

mércores, 4 de abril de 2018

EMOCIONARIO MUSICAL DE CHANS

Invitámosvos a participar nun novo proxecto que "soa" moi emocionante: "O Emocionario musical de Chans". Co apoio das imaxes do libro "Emocionario" descubriremos o poder da música na expresión emocional. Deixádevos levar e a gozar escoitando.
Emocionario Músical de Chans

martes, 3 de abril de 2018

Os axudantes recomendan...

Día da Poesía

O pasado 21 de marzo festexouse o día da poesía, e o noso amigo, o Trasno Contacontos, púxose en contacto con nós para propoñernos que nos convirtamos en poetas e poetisas musicais.


A caixa do correo do Trasno espera os vosos poemas! 
Animádevos a participar!

Como inspiración, podedes ler os poemas que o Trasno deixou de agasallo nas diferentes clases. Pertencen ao libro "Queda la música", de Antonio G. Teijeiro.










xoves, 22 de marzo de 2018

DIA INTERNACIONAL DA MULLER

Parabéns á Eire, de 6º, e a Hugo de 4º polas suas redaccións premiadas no Concurso que a Entidade Menor de Bembrive,  convoca polo Día Internacional da Muller